Verein
Der Landfrauenverein gründete sich im Jahr 1937 und ist Mitglied des VBL und somit auch des SLVF. Er ist politisch und konfessionell neutral.
Der Landfrauenverein bezweckt den Zusammenschluss von Frauen zur Wahrung und Förderung in beruflicher wirtschaftlicher, sozialer und kultureller Hinsicht.
Wir sind Geimeinnützig tätig für Alt und Jung, kulturell intressiert und engagiert. Im Jahresverlauf bieten wir intressante Kurse an.
Im Weiteren steht ein Maibummel, ein Stand am Ammerzwiler Märit, die beliebte Reise, Kirchenschmücken zum Erntedankgottesdienst im Tätikeitsprogramm. Auch dürfen die Höcks im Stephanssaal und die Weihnachtsfeier nicht fehlen.
Ehrenamtlich betreuen wir sporadisch die Cafeteria im Altersheim Schüpfen.
öppis zur Gschicht vo de Landfroue Grossaffoutere
Vor über 80 Jahr e Landfroueverein zgründe u de grad mit 100 Mitglieder isch denn zu mau sicher nid eifach gsy. Ire Zyt, wos no kes Frouestimmrächt gä het, kener Frouebewegige us de öppe no gheisse het: d`Frou ghört is Hus. Im erschte Vereinsjahr, amene Chäskurs, sy 96 Froue derbi gsy. Aui sy cho, ohni Outo mit em Velo oder z`Fuess. D`Iladige für die Kürs het me immer säuber vertreit.
D`Landfroue hei i de Chriegsjahr für üsi Soldate Socke glismet u Päckli gmacht, im Gmeinshuus isch Tee u Huusgebäck verteilt worde für die arme, internierte Pole.
Früecher sy 15 Vorstandsmitglieder gsy, aber das hets eifach brucht für üsi grosse Programm chönne z`bewäutige u erfougrich düre ds füehre. Bire idrükleche 50-Jahr Jubiläumsfiir hei mir uf 250 Mitglieder dörfe zeue. D`Mehrzwäckhaue isch am Namittag u Abe us aune näht platzt. Für ds Abeprogramm hei mir ds Theater“ Burebrot“ säuber igstudiert. Ds Grossaffouere Lied hei mir aus Uruffüehrig mit Hiuf vo üsne Manne dörfe vorsinge u hei e grosse Applous übercho. Dr Tegscht het der Herr Pfarrer Schneeberger dichtet u vertont hets üs dr Herr Lehrer Berger. Das het mängi Prob für dä Uftritt gä u ou Pannene hei mir erläbt, die aber erfougrich chönne meischtere.
Ou e 1. Ouguschtfiir heimer säuber düregfüehrt. Manne hei ghouzet, mir Froue hei bachet u sogar die ganzi Mehrzwäckhaue säuber bewirtet. Schlussändlech het no üsi Ehrepresidäntin Annarös Friederich d`1. Ouguscht Red ghaute. Für üsi Kasse isch dä Aalass ou meh aus erfröilech gsy.
Mit afängleche organisatorische Schwierigkeite u viele Sitzige, zäme mit em LV Rapperswil und em LV Schüpfe, het me im Jahr 1989 im nöi eröffnete Altersheim in Schüpfe chönne d Cafeteria i Betrieb näh.
Im Jahr 1991, alässlech dr 700-Jahr Eidgenosseschaft, hei mir e Brunch dörfe mache. Mir hei mit rund 500 Lüüt grächnet, sy de völlig überrennt worde u hei bi 800 Lüüt bewirtet. Gottlob hei mir sovieu Brot, Züpfe u was es süsch no brucht i reserve gha.
Früecher hets sogar Subventionen gä wem e Kürs abote het, denn zu mau hets no ke Voukshochschueu gä. Zyte ändere sech, doch möchte mir wyterhin tolli Kürs abiete, zämä ga reise, Gmeinschaft gniesse u vilech ds einte oder ds angerer Projekt i Agriff näh… wär weiss was üs Zuekunft bringt?